Áskorun á bæjaryfirvöld í Garðabæ að endurskoða lokun við Prýðahverfi og þá hættu sem það skapar við gatnamót nýja og gamla Álftanesvegar

Á síðasta ári létu bæjaryfirvöld loka gatnamótunum á gamla Álftanesvegi og Herjólfsbraut þannig að afleggjarinn að Prýðahverfi varð botnlangi. Þetta var gert án grendarkynningar eða samráðs við íbúa í Hleinahverfi og Garðahverfi og á Álftanesi.

Afleiðing breytingarinnar er að nú þurfa íbúar Hleina- og Garðahverfis að fara um gatnamót gamla og nýja Álftanesvegar með tilheyrandi aukinni umferð og hættu fyrir alla þá sem fara um þessi gatnamót, í stað þess að beygja inn á gamla Álftanesveg á hringtorginu við Prýðahverfi sem er augljóslega mun öruggari leið.

Þegar lokunin var framkvæmd við Prýðahverfi voru jafnframt engar breytingar eða aðlaganir gerðar á gatnamótum nýja og gamla Álftanesvegar til að draga úr slysahættu fyrir alla sem um þau fara, t.d. með gerð beygjureinar og aðreinar og lengingu sveigjureinar. 

Þessi gatnamót gamla og nýja Álftanesvegar eru varhugaverð, svo ekki sé dýpra í árina tekið. Ökuhraði er oft mikill á nýja Álftanesveginum og því ekki alltaf mikið ráðrúm fyrir ökumenn að hemla eða sveigja framhjá bíl sem ætlar að taka vinstri beygju inn á gamla Álftanesveg. Þegar hafa orðið nokkur umferðaróhöpp þar frá því að lokunin við Prýðahverfi var framkvæmd.

Við skorum því á bæjaryfirvöld í Garðabæ að endurskoða lokun við Prýðahverfi og þá hættu sem það skapar við gatnamót nýja og gamla Álftanesvegar.

Undirrita þennan undirskriftarlista

Með því að skrifa undir gef ég Ragnhildur Ágústsdóttir leyfi til að afhenda undirritun mína til þeirra sem sem hafa vald yfir þessu viðfangsefni.


EðA

Þú munt fá tölvupóst með hlekk til að staðfesta undirritun þína. Til að tryggja að þú móttakir tölvupóstinn þinn skaltu vinsamlegast bæta info@petitions.net við nafnaskrána þína eða á öruggan sendendalista.

Athugaðu að þú getur ekki staðfest undirritun þína með því að svara þessum skilaboðum.




Greidd auglýsing

Við munum kynna þennan undirskriftalista fyrir 3000 aðilum.

Lærðu meira...