Áskorun til ríkisstjórnar Íslands um leyfi til og fjárhagslegan stuðning við uppbyggingu heilbrigðisþjónustu í Torrevieja Spáni.

 Gott að eldast á Spáni

Þúsundir Íslendinga, aldraðir, öryrkjar og aðrir, dvelja langdvölum á Spáni. Mikilvægt er að þessi hópur fái góða heilbrigðisþjónustu. Vegna takmarkaðs framboðs á íslenskum hjúkrunarheimilum og mikils álags á íslenska heilbrigðiskerfið, skora ég á félags- og húsnæðismálaráðherra, Ingu Sæland og heilbrigðisráðherra, Ölmu D. Möller, ásamt ríkistjórn Íslands að veita leyfi fyrir þjónustukjarna, annars vegar fyrir öldrunar- og endurhæfingarþjónustu á Torreviejasvæðinu á Spáni, og hins vegar fyrir rekstrafé frá íslenska ríkinu (Sjúkratryggingum) vegna þjónustu sem Íslendingar gætu notfært sér. Sem dæmi gæti verið um 40 dvalar-, endurhæfinga- ásamt hjúkrunarrýmum til 10 ára,  sem rekin væru á íslenskri kennitölu og með íslensku fagfólki, áþekkt og aðrar Norðurlandaþjóðir hafa gert fyrir sitt fólk.  

Af hverju ætti að hefja rekstur heilbrigðisþjónustu á Spáni?

1.  Ódýrara húsnæði og lægri rekstrarkostnaður þess.
2.  Lægri fæðiskostnaður og möguleiki á hollara fæði, svo sem nýju grænmeti og ávöxtum allt árið.
3.  Mun lægri lyfjakostnaður á Spáni en á Íslandi.      
4. Fólk hefur lýst yfir að í veðurfarinu og útivistinni á Spáni hafi það fengið betri lífsgæði, losnað við inntöku á lyfjum og gigt og psoriasis batnað, svo eitthvað sé nefnt.     
5. Möguleiki fyrir endurhæfingu sjúklinga, með tímabundinni dvöl í sólinni og hitanum á Spáni (sem íslenska ríkið myndi styðja við).      
6. Margir eldri Íslendingar á Spáni tjá sig um að þar séu þeir virkari og hafi myndað gott félagslegt net, og þrátt fyrir versnandi heilsu og hreyfigetu með hækkandi aldri, vilja þeir dvelja áfram á Spáni, ef þeir hafa möguleika á þjónustu.
7. Uppbygging og rekstur íslenskrar heilbrigðis- og öldrunarstofnunar á Spáni minnkar álag og eftirspurn eftir dvöl á hjúkrunarheimilum á Íslandi og er jafnframt hagkvæmari á hvern einstakling en á Íslandi. 
8. Verið er að tala um að fjárfesta í Heilsuþorpi sem hefur upp á að bjóða 80 öryggisíbúðir og byggingu með 100 herbergjum fyrir sjúkrarúm, ásamt aðstöðu til endurhæfingar.

Guðrún Gyda Ölvisdóttir    Hafðu samband við höfund undirskriftarlistans