Við viljum Langspil aftur á dagskrá!

Screen_Shot_2018-09-17_at_23.25_.00_.png

Við mótmælum óútskýrðri og óskiljanlegri ákvörðun Rásar 2 að taka af dagskrá tónlistarþáttinn Langspil - íslenskt já takk! 

Þátturinn er búinn að vera á dagskrá stöðvarinnar frá því í október 2013 í öruggum höndum Heiðu Eiríksdóttur. Þátturinn er fyrir löngu búinn að skapa sér mikilvæga stöðu í íslensku tónlistarlandslagi sem vagga nýrrar tónlistar frá íslensku tónlistarfólki á öllum aldri.

Vaxtarbroddur íslensku tónlistarsenunnar hefur aukist gífurlega síðustu ár með tilkomu þáttarins sem hefur verið mikilvægur og þarfur vettvangur fyrir íslenskt tónlistarfólk að heyra tónlistarsköpun annara og hafa möguleika á því að heyra og kynna sína eigin tónlistarsköpun. Það mun verða mikill og sár missir að hafa engan samastað fyrir nýja, neðanjarðar og jaðartengda tónlist í útvarpi allra landsmanna.

Síðasti þátturinn sem var sendur út núna í vor var 205 í röðinni. Í þáttunum eru að meðaltali spiluð 20-22 lög og það einungis með íslenskum flytjendum. Það gerir eitthvað um 4300 lög á þessum fimm árum sem þátturinn hefur verið á dagskrá stöðvarinnar. Þetta er gífurlegur fjöldi laga og mikil meirihluti þeirra væri líklega aldrei spilaður í öðrum þáttum og hvað þá á öðrum útvarpsstöðvum.

Sú ákvörðun að taka þáttinn af dagskrá án neinnar útskýringar er móðgun við íslenskt tónlistarfólk og gífurlegt hagsmunamál þeirra þegar tekin eru inn í jöfnuna stefgjöld og sýnileiki (eða öllu heldur heyranleiki) íslensks tónlistarfólks á öldum ljósvakans. 

Við skorum á dagskrárstjóra Rásar 2 að endurskoða ákvörðun sína og sýna íslensku tónlistarfólki áhuga og virðingu.

 

 

 

 

Undirrita þennan undirskriftarlista

Með því að skrifa undir gef ég Curver Thoroddsen leyfi til að afhenda undirritun mína til þeirra sem sem hafa vald yfir þessu viðfangsefni.


EðA

Þú munt fá tölvupóst með hlekk til að staðfesta undirritun þína. Til að tryggja að þú móttakir tölvupóstinn þinn skaltu vinsamlegast bæta info@petitions.net við nafnaskrána þína eða á öruggan sendendalista.

Athugaðu að þú getur ekki staðfest undirritun þína með því að svara þessum skilaboðum.




Greidd auglýsing

Við munum kynna þennan undirskriftalista fyrir 3000 aðilum.

Lærðu meira...

Facebook