Hvetjum stjórnvöld til að falla frá niðurskurði til vísinda

Þjóðfélag er flókið að samsetningu minnir á maskínu þar sem margt og misjafnt fer inn og allt önnur afurð kemur út. Þjóðfélag er líka eins og vél með mörg tannhjól, stór og smá sem skipta öll máli. Þegar hróflað er við einni einingu getur það haft keðjuverkandi áhrif til ills. Í raun alls óvíst hvað það er sem skapar mestan arð. Vísindastarfsemi er sterkur þáttur menningunni og sjálfstæðinu.

Hvet alla til að skora á fjárveitingavaldið!

Leiðinlegt að rekast hér á auglýsingu um einhleypar Asíukonur, en þannig er víst lífið nú á dögum!? -- Kær kveðja, Þorsteinn V.

#3: - Leiðinlegt að rekast hér á auglýsingu um einhleypar Asíukonur, en þannig er víst lífið nú á dögum!? -- Kær kveðja, Þorsteinn V.

Takk fyrir ábendinguna.  Við ráðum víst litlu um það hvernig umgjörðin er þar sem við rekum ekki síðuna en settum söfnunina hér inn.  Ég tek það algerlega á mig að hafa ekki séð þetta fyrirfram þar sem ég er með allar auglýsingar blokkaðar í vafranum mínum.

 

Kveðjur,

Erna

Við getum auðveldlega verið í fremstu röð á sviði vísinda miðað við hvernig okkar samfélag er upp byggt, sterkir innviðir og mikill mannauður. Það er skammarlegt hvað við stundum lítið af rannsóknum. Tökum til dæmis Breiðafjörð sem hýsir nú sumargotssíldina, silfur hafsins. Þetta er einstakt svæði á heimsvísu en fáar rannsóknir hafa verið framkvæmdar á því. Við eigum ekki einu sinni hitastigsmælingar nema í Flatey.
Ég er meistaranemi í líffræði og var fenginn til að kanna áhrif síldardauðans í Kolgrafafirði einungis vegna þess að nemar þiggja engin laun. 30 eða 40 milljónum var hent í að urða dauða síld í fjörum Kolgrafafjarðar til þess að bændur á Eiðum finndu ekki lykt! Framlög til minna rannsókna ná ekki upp í 2 prósent af þessari fjárhæð. Gat fólkið á Eiðum ekki vanist síldarbrælunni eins og þau hafa vanist fjósalyktinni?
Hver veit hvaða vísindarannsóknir verða arðbærar? Allur áburður á túnum okkar er tilkominn vegna þýsks vísindamanns sem vann að því að gera sprengiefni. Hvernig væri búskapur hér á landi ef ekki hefði verið fyrir þann herramann? Þurfum við kannski ekki vísindi á litla Íslandi? Getum við bara þegið af viskubrunnum erlendis frá?
Nú eiga íslenskir vísindamenn þátt í því að endurbæta þá aðferð sem þjóðverjinn Haber fann upp á til áburðarvinnslu og gangi allt eftir getur það haft mikil áhrif á næringarbúskap manna á heimsvísu. Einnig skulum við minnast alls þess fjármagns sem íslensk vísindastörf sækja erlendis frá eins og rektor HÍ benti á í grein sinni um daginn. Það fé fer kannski ekki í réttu vasana.

er aldrei hrifinn af orðinu "krefjumst"

Vísindarannsóknir eru undirstaða hvers samfélags!

Þetta skiptir öllu máli!

Nú eru aftur við stjórnvölinn fulltrúar þeirra flokka sem bera mesta ábyrgð á efnahagshruninu. Nú gera þessir sömu flokkar atlögu að menningu okkar með blindum niðurskurði á RUV og rannsóknatengdu háskólanámi.
Hvað er til ráða?
Helgi Valdimarsson